Thursday, November 15, 2018
اخر المستجدات

ميرهان حسين: تحملت وتنازلت عن حقوقي لهذا السبب.. !


ميرهان حسين: تحملت وتنازلت عن حقوقي لهذا السبب.. !

| طباعة | خ+ | خ-

وجهت الفنانة المصرية ميرهان حسين، رسالة إلى جمهورها تحدثت فيها عن معاناة الفنانين والذين يحرصون عن إخفائها عن جمهورهم.

ميرهان حسين، قالت عبر صفحتها الشخصية بموقع «إنستجرام»: «كان نفسي من فترة أقول للناس ارحموا الفنانين شوية… الفنانين و الفنانات مش زي مانتوا فاكرينهم بيتدلعوا و يكسبوا ملايين لأ .. انتوا ماتعرفوش التعب و الظروف القاسية جدا اللي ممكن تعدي على فنان ومايقدرش يعبر عنها ولا يملا الدنيا شكوى زي اي شخص عادي… ابسط حقوقه فإنه يعبر عن ألمه مايقدرش يصرح بيه … لأنه هايفتح على نفسه أبواب حكم الناس القاسية اللي مابترحمش و اللي هاتألف فوق الحكاية الحقيقية مليون حكاية كدب».

وأضافت :«أنا واحدة من الناس اللي سكتو على حقهم و تحملت اللي مايتحملوش جبل عشان ماسمعش حكايات ظالمة و تعليقات و إشاعات مؤذية ليا و لأهلي».

وتابعت: «إليسا خبت مرضها و قاومته لحد ماتغلبت عليه و أعلنت عنه بعد ما شفيت.. ده مثال للصراع اللي ممكن تعيشه فنانة أو شخصية عامة بعيد عن الأضواء و تظهر للأضواء بوجه آخر مشرق و رائع… و كمان تشوفه بيشتغل و بينجح وانت ماتعرفش الحالة اللي كان فيها وهو بيقدم عمل فني يسعد بيه جمهوره».

يذكر أن إليسا كشفت عن إصابتها بسرطان الثدي، من خلال أحدث كليباتها «إلى كل اللي بيحبوني»، وهو عبارة عن قصة حقيقية لحياتها الشخصية، فيه محادثات هاتفية سابقة أجرتها المطربة، وتحدثت فيها وهي تبكي عن إصابتها بمرض خطير، وهو سرطان الثدي.