أثارت نجمة برنامج ستار أكاديمي المطربة شاهيناز ضياء جدلًا واسعًا صباح اليوم، بعد اتهامها زوجها رجل الأعمال إيهاب محمود بضربها والاعتداء عليها، عبر صفحتها الشخصية بموقع “فيسبوك”.
ومن جانبه، رد إيهاب محمود عبر صفحته الشخصية بالموقع نفسه، وكتب: “شكرًا لكل حد شتم فيا وفي والدتي انتو شايفين نص الحقيقة بس محدش شاف إيه اللي حصل وازاي، بيتبلو عليا هي ووالدتها، أنا هرد علشان الكل يعرف اني مش متربي على ده في كلام وكواليس وانا مش هتكلم على أم ابني واشهر بيها زي ما شهرت بيا ومعايا أدلة وورق على كل الكلام ده يثبت صحة كلامي وحسبي الله ونعم الوكيل في الضرر اللي سببوه لأهلي وليا”.
وأوضح: “بكرا ان شاء الله هطلع أرد بفيديو ومستندات وورق والناس هتعرف مين ظالم ومين مظلوم ومحدش يتكلم في حاجة ميعرفهاش، الصورة بتبين نص الحقيقة مع احتفاظي بحاجات مينفعش تطلع لأني مش هشهر بأم أبني ولا حقول حاجة تجرح ابني لأني أتربيت على الأصول”.
وختم كلامه “أما ينزل الفيديو كله هيعرف اني مجتش على حد ومحدش برده يعرف الحقيقة لأنها مجرد صور وحقيقة مش كاملة”.
وكانت “شاهيناز”، قد نشرت صورًا تكشف من خلالها آثار الضرب على وجهها، عبر صفحتها بموقع “فيسبوك”، وكتبت: “حسبي الله ونعم الوكيل فيك، ضربني وبهدلني انا وأمي ومش عايز يديني ابني، ليا ربنا يجيبلي حقي”.
شاهيناز تزوجت في أغسطس عام ٢٠١٤، وأهدت لزوجها أغنية “أنا بعشقه” التي حققت نجاحًا كبيرًا. يُذكر أن شاهيناز ضياء شاركت في الموسم الخامس من برنامج ستار أكاديمي، عام 2008.
