بصراحه حابه افش خلقي واعبر عن مشاعري ..
اغلبكم رح يحكي عني مريضه ورح يغلط عليي .. بس فعليا عنجد انا هيك بحس ..
انا بنت وحيدة اهلي عمري 20 سنة ..
‘ وحيده يعني ما في بنت غيري بس في شباب ‘
بعترف انو طول هال 20 سنة يلي عشتهم ولا مره بحياتي حسيت بمشاعر حب ل بابا .. ما بعرف ليش ..
هلا انا ما بكرهو .. الله يعطيه الصحه وطول العمر ..
بس صدقا ما عمري حسيت بحنيتو ..
رغم انو ابدا مو مقصر معي ولا مع اخواني
يعني بنصرف كتير ولبسنا احلى لبس وعم ندرس بجامعات خاصه بيدفع كتير كل فصل ..
بس ما عمري حسيت باني بحبو .. تلقائيا بس يدخل عالبيت كل واحد فينا بروح لغرفتو ما بعرف ليه هيك عودونا من ونحنا صغار .. ما عمري حكيت معو غير بالاعياد او وهو طالع او راجع من سفر
بحياتي كلها ما سمعت منو كلمة كيفك يا بابا ..
او بس امرض الحمدلله ع سلامتك ..
او كيف امتحانك .. او مبروك نجاحك ..
بابا كتير جدي وبحب النظام .. ما بنجتمع كعيلة غير يوم الجمعه عالغدا .. مرات بمزح مع حد مش اخواني ببهدلنا وبحكيلنا كل واحد ع غرفتو .. ما بعرف ليه
بس بدي اطلع ع مشوار بس بخبر ماما وبطلع ..
حاسه انو بابا بس ل الدفع و للمصاريف مش ل اي شي تاني ..
والله بغار من صاحباتي لما بيحكو عن ابوهم بعطي رأيو بلبسهم .. وبيطلبو منو لما بدهم يطلعو .. وقت الفاينل بس نطلع من الامتحان كل وحده برنلها ابوها يطمن كيف قدمت .. رغم اني انا الوحيده بينهم معي سياره وصرفي اكتر صرف بينهم .. بس بتمنى لو حياتي متلهم ..
عنجد كلمة لكل اب .. يا ريت تحسس اولادك بحنانك وباهتمامك فيهم .. والله انو اهم من كلشي .. اهم من انك تأمنلهم كل رغباتهم .
