يبدو أن المعاناة التي إختبرتها نجمة “أراب آيدول” المصرية إيناس عز الدين إثر خسارة توأمها قد أدّت إلى إعلان انفصالها عن زوجها أحمد قمر.
وفي التفاصيل، كتبت إيناس عز الدين على صفحتها على الفايسبوك رسالة طويلة ومؤثرة قالت فيها: “بعلن انفصالي عن زوجي احمد قمر بكل حب وود واحترام وتقدير ممكن نكون اختلفنا كأزواج اننا نكمل مع بعض او النصيب وقف لحد كده بس هيفضل صديق عمري كله… بتمنالك كل خير وكل سعادة ونجاح يا احمد يا انضف انسان عرفته في حياتي”.
واضافت: “كله قسمة ونصيب.. معلومة دي مش كدبة ابريل ولا ده خبر هزار.. هو ليه الناس مش متقبلة فكرة اننا انفصلنا واحنا بنحترم بعض وبنحب بعض وشايلين لبعض الخير والتقدير واننا اختلفنا كزوجين واكيد القرار ده ما اخدناهوش وليد اللحظة وقبل ما نعلنه اتناقشنا كتير وقررنا ننفصل بالمعروف واحنا شايلين وفاكرين لبعض كل حاجة حلوة”.
وتابعت: “مش لازم نذم في بعض ونغلط في بعض وكل واحد فينا يقول التاني كان مطلع عينه علشان الناس تتقبل فكرة انفصالنا… احنا اختلفنا وصعب نكمل كزوجين بس مستحيل نبطل اننا نفضل في حياة بعض كأصدقاء لاننا طول عمرنا كنا اصدقاء حتى واحنا متجوزين والعشرة مش بتهون بالساهل ومش معنى اننا اختلفنا وانفصلنا كأزواج اننا نكره بعض ونغلط في بعض وما نشوفش بعض ونعادي بعض.. احنا هنفضل اهل غصب عن اي شيء وبنكن لبعض كل حب واحترام وتقدير”.