أعلنت الإعلامية المصرية ريهام سعيد عن اعتزالها مهنة تقديم البرامج والاعلام على صفحتها الخاصة على موقع التواصل الاجتماعي الا انها لن تغيب عن الجمهور بل ستطل عليه كممثلة وتحقق حلمها .
وكتبت: فكرت كتير قبل ما اكتب البوست ده . انا اعتزلت التمثيل سنه ٢٠١٥ لأني حسيت ان صاحب بالين كداب و ان التمثيل مأثر علي مسيره الخير الي ابتدأتها من سنين طويله عشان الوقت و المجهود الي بعمله .
لكن عشقي للتمثيل الي هو دراستي ومهنتي الاولي قبل الاعلام رجعت امثل تاني و انا لسه في نظر المخرجين و المنتجين مذيعه عايزه تمثل.
وتابعت ريهام : كنت عارفه ان عشان اخد مكان كممثله لازم اسيب الاعلام زي مع حفظ الألقاب داليا البحيري و بسمه و دينا فؤاد و دينا الشربيني و غيرهم بس مكنتش قادره اسيب رسالتي الي كانت مهمه اوي وقتها .
انا حصل لي مشاكل كتير من المهنة دي بتأثير باطل من السوشال ميديا من منافسين و أعداء بسبب المشاهدة العالية جدا و النجاح انا تعبت و حسه اني قدمت كل الي ممكن يتقدم و الدولة عامله الي عليها و مش محتاجين دور المجتمع المدني في مساعده الناس و لكن انا ليه الشرف اني اشتغلت في المهنة العظيمة دي الي ليها رساله ساميه و عظيمه و ليه الشرف اني كنت اعلاميه في اصعب وقت مر علي الإعلاميين أيام حكم الاخوان و الحمد لله كان لينا موقف واضح و ماتغيرش و لا دقيقه ..
وأضافت: انا الحمد لله حققت في التمثيل و كل الي اشتغلته علم مع الناس و اشتغلت اعمال كلها قيمه بس بعد ما جالي السكر و شويه مشاكل تانية قررت اعمل الي بحبه انا بكل اسف بعلن اعتزالي الاعلام تماما و هاركز كممثله و هاطلب من الدكتور أشرف زكي انه يساعدني اني اغير الفكرة الموجودة في اذهان المخرجين و المنتجين اني مذيعه .
ورساله للأستاذة كامله أبو ذكري و مش مكسوفه نفسي اوي امثل معاكي حتي لو مشهد ده من احلامي . خطوه صعبه و فيها ريسك كبير بس على الأقل احري ورا حلمي حتي و انا في السن ده . جه الوقت اني استمتع بالي بعمله و بحبه خصوصا لما يكون في عصر و لا في و سطه و لا محسوبية الي هايجنهد هايوصل . ماتسيبوش حلمكم مهما فات الوقت.
وختمت: بشكر جمهوري من الأمهات و الشباب و الأطفال الي دائما يدعموني و حبه برامجي و اتعلموا منها و بشكر ر بنا علي عشرين سنه اداني الفرصة فيهم اني اقضي حوائج الناس و اقدم كل ما هو مفيد .
فخوره بكل حلقه و بكل حرف قدمته ٢٠ سنه تعب و سهر و ا كان و تصميم علي تقديم الحقيقة . انا اسفه ليكوا بس التمثيل رساله برضوا و هو حلمي الأساسي الي تأخرت اوي عشان احققه يا رب وفقني و ساعدني.
