لوجو الوطن اليوم

الثلاثاء 09 / أغسطس / 2022

ريم مصطفى.. أنا مطلقة وعندي ولدان

ريم مصطفى.. أنا مطلقة وعندي ولدان
ريم مصطفى.. أنا مطلقة وعندي ولدان

كشفت النجمة المصرية ريم مصطفى لأول مرة عن زواجها وهي صغيرة في سن 19 عاما، وانفصالها عن زوجها بعد زواج استمر 10 سنوات، وأثمر عن ولدين، وأكدت أن تفاصيل حياتها الخاصة الجمهور لا يعرفها، وأغلبهم يعتقد أنها لم تتزوج حتى الآن.

وأضافت ريم مصطفى، خلال حوارها مع الإعلامية لميس الحديدي ببرنامج «كلمة أخيرة» على قناة ON: “في حاجات كتير الناس متعرفهاش عني، أنا أتجوزت قبل كده ومطلقة، وعندي ولدين”.

تابعت ريم مصطفى: “اتجوزت صغيرة جداً كان عندي 19 سنة، وكانت تجربة مهمة علمتني إن أهم حاجة إزاي تختاري شريك حياتك، وحظي كويس إن أبو ولادي ابن ناس ومحترم، وتربطني بيه علاقة صداقة واحترام قوية جدا”.

وتابعت: “سبب الطلاق أننا كنا مختلفين عن بعض تماماً، ومن حسن حظي أن زوجي محترم وابن ناس وراقي والطلاق كان بعد عشر سنين زواج بسبب أننا مختلفين عن بعض ومش لازم الطلاق يعني أننا نفرج الناس علينا ونروح محاكم وأبو ولادي بتربطني بيه علاقة صداقة واحترام”.

وردت ريم مصطفى على سؤال الإعلامية لميس الحديدي: “معقولة كل الجمال ده والشطارة في المطبخ ومفيش راجل لحد دلوقت، لترد قائلة: لا مفيش في الوقت الحالي لكن ممكن يبقى فيه بكره، وأكيد كان فيه حب سابق محدش مننا غير ما مر بده”.

وأضافت: “المشكلة أنهم بيعتقدوا أن علاقات الحب بسيطة وبياخدوها ببساطة شديدة وعشان كده أي واحدة وواحدة في علاقة لازم يعرفوا هما بياخدوا القرارات إزاي فيه ناس بتبقى عاوزة تتجوز وخلاص، وبعد كده يحصل الصدام وينتج عنه طلاق كتير وده بنشوفه في علاقات كتيرة حوالينا”.

وكشفت الفنانة أنها لو وقعت في مشكلة في يوم ما ستلجأ لطليقها، قائلة: الحاجة الوحيدة اللي اتفقنا عليها إننا نربي ولادنا كويس.

Share on facebook
Share on twitter
Share on telegram
Share on vk
Share on whatsapp
Share on skype
Share on email
Share on tumblr
Share on linkedin

زوارنا يتصفحون الآن