الخميس 15 / أبريل / 2021

شاهد – رضوى الشربيني تنهار على الهواء.. ما السبب؟

شاهد - رضوى الشربيني تنهار على الهواء.. ما السبب؟
رضوى الشربيني

قالت الإعلامية المصرية رضوى الشربيني، إنها عاشت في كابوس لمدة 50 يومًا، خلال مرض والدتها ووفاتها، لافتة إلى أنها لن تستطيع التحدث عن هذه المحنة حاليًا.

وانهارت الشربيني على الهواء مباشرة، ودخلت في نوبة بكاء حادة، في أول ظهور لها بعد وفاة والدتها، في حلقات برنامجها “هي وبس” المذاع على قناة “سي بي سي” سفرة.

وتابعت خلال مقدمة البرنامج أنها أصرت على تقديم البرنامج برغم عرض القناة عليها أن تمد عطلتها حتى انتهاء شهر رمضان، لأنها تحمل رسالة وهي نفسها من تدعم متابعيها قائلة “إن مع العسر يسرا، وان مهما حصل ومهما الواحد مر بحاجات مش كويسه، لكن ربنا موجود”.

وأضافت: “اختبار صعب، والحياة امتحان، كل واحد فينا عنده امتحان شكل، وكل واحد فينا بيمتحن قدر استطاعته، لكن أنا هي هي الست اللي كانت بتقولك هتعدي، وأنا كمان متأكدة إنها هتعدي، بالصبر والدعاء والصلاة هتعدي، وأنا طالعة النهاردة رغم إن كان عندي الاختيار إني مطلعش وإني استنا لحد بعد رمضان، بس أنا صممت إني أطلع، عشان زي ما بشجعك أنا كمان بشجعني”.

ونوهت الشربيني إلى أن: “كم الدعوات الكثير لأمي وهى عائشة وهى ميتة، لو كنت عملت فلوس كتير أو بقيت ملكة الدنيا مكنش هيحصل، ناس كتير وقفت جنبي أهلي وأصحابي أشخاص ربنا سخرهم عشان يكونوا حزء من اليسر، إحنا بشر وكل واحد بيحصلوا حاجات لازم يصبر عليها ويستحملها حتى لو كان العقل مش مستوعبها والقلب مش مستحملها، لكن ربنا قال وبشر الصابرين، فإحنا لازم نقول الحمد لله ونصبر”.

ويذكر أن والدة الإعلامية رضوى الشربيني توفيت، يوم الثلاثاء الأول من شهر مارس الماضي، متأثرة بإصابتها بفيروس كورونا، بعد فترة صراع مع المرض.

Share on vk
Share on pinterest
Share on reddit
Share on linkedin
Share on telegram
Share on email
Share on whatsapp
Share on twitter
Share on facebook

زوارنا يتصفحون الآن