الأحد 20 / يونيو / 2021

نسرين طافش تدفع ثمن الشهرة بمقلب رامز جلال

نسرين طافش
نسرين طافش

وقعت الفنانة نسرين طافش، اليوم، في فخ الفنان رامز جلال ببرنامج مقالبه “رامز عقله طار“، وابدى رامز دهشته من شهرة نسرين ونجوميتها رغم أنها لم تقدم إلا فيلما واحدا وثلاثة مسلسلات، وقال إنه استدرجها لتعرف معنى المعاناة والشقاء.

وقال رامز جلال في مقدمته عن نسرين طافش: “ظهرت لنا فجأة لقينا ليها مسلسلات على تترات، انتي مين ومين حدفك علينا أحكلنا رحلة كفاحك، هو كل واحدة بيضة وحلوة هتيجي تضايقنا”.

وتابع قائلا: “هي الشغلانة ملهاش كبير ولا أيه على العموم النهاردة هتبدأ رحلة كفاحك، معانا ومعاكم النجمة اللي كان لسة بدري عليها بس أحنا هنطلع عنيها، نسرين طافش”.

وأضاف: “معانا نسرين طافش النجمة اللى كان لسه بدري عليها اللى هنمدها على رجليها”.

وواصل رامز جلال سخريته: الاسم نسرين طافش.. بدأت مطربة ولما لقت العُرب تعبانة قالت اتجه للتمثيل اشوف حالى هناك، كام خطوبة علي مجموعة من الجوازات، وأضاف: دى عايشة فى دور جينفير لوبيز، المرأة الكيرفى.

وألمح رامز لخضوع نسرين لجراحات حق السيلكون، وقال ساخرا أثناء اقتراب رجل الألعاب النارية منها قائلا: متقربوش بالنار السيلكون يسيح .. السيلكون في أمان يا نسرين.

وانسحبت نسرين طافش من لعبة “بينت بول” عندما أصابها رامز جلال بعدة طلقات تألمت منها وطلبت عدم استكمال اللعبة قائلة: مش بحب الألعاب دي.

وعلق رامز جلال: “مفيش حاجة عجبتك.. متقلقيش لسه فيه حاجات جاية هتعجبك”.

نسرين طافش أصيبت بنوبة رعب في دخول كبسولة الهوب دروب، وظلت تصرخ طوال محاولات رامز جلال استفزازها بالروائح الكريهة ورش المياه وطفاية الحريق، وقفزت مجبرة من ارتفاع 13 مترا في حوض السباحة وظلت تبكي فور خروجها من المياه ولم تتوقف عن البكاء حتى بعد كشف رامز عن هويته الحقيقية.

Share on vk
Share on pinterest
Share on reddit
Share on linkedin
Share on telegram
Share on email
Share on whatsapp
Share on twitter
Share on facebook