الجمعة 02 / ديسمبر / 2022

والد حسام حبيب لابنه: أخدت مني مليون جنبه ومابتعرفني إلا بالمصلحة

والد حسام حبيب لابنه: أخدت مني مليون جنبه ومابتعرفني إلا بالمصلحة
والد حسام حبيب لابنه: أخدت مني مليون جنبه ومابتعرفني إلا بالمصلحة

علق حسين حبيب والد الفنان المصري حسام حبيب على تصريحات ابنه في برنامج “الحكاية”، فيما يخص كتابة شيرين لوصية تاركة كل أموالها وممتلكاتها لابنتيها.

كتب حسين حبيب في منشور عبر حسابه: “قولوا الحق ولو على أنفسكم، هو ينفع أخالف شرع ربنا بحجة إنى أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل”.

ملخص تصريحات حسام حبيب في “الحكاية”: أنا طالع من بيت أمي على بيت شيرين.. ومازلت أحبها

وتابع: إنت كده مش بتحافظ على مال زوجتك، إنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك.

وأضاف: هو ينفع أخوها بقاله أكتر من 20 سنة بيراعي أخته وهي مصدر رزقه، آجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش، كلمة حق لوجه الله، والدين النصيحة.

ورد حسين حبيب على تصريحات ابنه أنه لم يحصل على أي أموال من شيرين عبد الوهاب، كاتبا: “نت بتقول لما رجعت ليها العربية، واحد بيشتغل معاها أخد العربية اللي بخمسة مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وإنها بتكتب شيكات للناس على بياض، إنت كده بتدي مبرر لأهلها ليحجروا عليها وبتطلعها إنها سفيهة وعبيطة، وأنا من معرفتي بيها أنها واعية وناصحة، بتيجي تكحلها تعميها، إسأل أبوك يقولك تقول إيه”.

وأضاف: بتقول انك عمرك ما اخدت منها فلوس وانك ما بتشتغلش 4 سنين كنت عايش على قفا مين، وهي قالت لي يابابا انا عايزه اتجوز راجل يصرف علي، وقلت له عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، أخدت مني مليون جنيه عشان تشطب فيلتك وما تعيش في بيت مراتك وها اردهملك ومن ساعه ما اتطلقت، وأنا بصرف عليك ورايح تقول لعمرو اديب وتهاجمني لتاني مره أنك ماتعرفنيش من 14 سنة، آه ما بتعرفنيش إلا للمصلحة، وعشان تاخد فلوس، وما دخلتش بيتى سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك، بقالك سنة مطلقاها ما اشتغلتش ليه بطل حجج، وخليك راجل انت فعلا مش تربيتي، ست طلعت من بيت مامي على بيت مراتك”

وكشف مصدر مقرب من الفنانة في تصريحات أن شيرين لم تكن تعاني من إصابة بقطع في الرباط الصليبي كما تردد مؤخرا، بل تم إيداعها في مصحة نفسية بمنطقة مصر الجديدة بعد تعرضها لاضطرابات نفسيه حادة.

وأكد المصدر أن شيرين عبد الوهاب علقت كافة ارتباطاتها الفنية خلال المرحلة القادمة نظرا لما تمر به من ظروف صحية ونفسية لا تسمح لها بالعمل لحين تماثلها للشفاء.

كانت كريمة أبو زيد، والدة الفنانة شيرين عبد الوهاب، قد استنجدت بالإعلام من طليق ابنتها حسام حبيب ، وقالت في تصريحات مع الإعلامي عمرو أديب عبر برنامج “الحكاية”: “حسام حبيب ده شر أنقذوا بنتي منه وبتسهروا هما الاتنين يشربوا مخدرات وأنا اللي طلبت من ابني إنقاذ أخته”.

نفس التصريحات أكدها شقيقها محمد عبد الوهاب الذي اتهم حسام حبيب صراحة بدفع شقيقته للإدمان من أجل استغلالها ماديًا هو ومجموعة من أصدقائهما.

للدخول إلى رابط التسجيل للحصول على مساعدة من المنظمات والجمعيات الأهلية: (مــن هــنــا)

Share on facebook
Share on twitter
Share on telegram
Share on vk
Share on whatsapp
Share on skype
Share on email
Share on tumblr
Share on linkedin

زوارنا يتصفحون الآن