حمو بيكا يعتذر لهاني شاكر: “واثق جدا فى طيبة قلبك وانك مش هتقبل إني اتسجن”

حمو بيكا يعتذر لهاني شاكر:
حمو بيكا

ستجدى مطرب المهرجانات الشعبية حمو بيكا، نقيب الموسيقيين الفنان المصري هاني شاكر، طالبا منه تقبل اعتذاره وإنقاذه من مصير السجن أو خراب عمله وأكل عيشه، طالبا منه أن يتقبل اعتذاره وتوجييه للطريق الصحيح.

وكتب بيكا، عبر صفحته الرسمية على(الفيسبوك): “رسالة لأستاذ هاني شاكر، بتمني منك أنك تقبل اعتذاري، وانك تعتبرني زي ابنك أو أخوك الصغير، واثق جدا في طيبة قلبك وانك مش هتقبل اني اتسجن أو حتى حياتي تدمر عشان بحب اكل عيشي، أتمنى ان تقبل اعتذاري وتوجهني للصح”.

اعتذار حمو بيكا لهاني شاكر

وكان حمو بيكا، مغنى مهرجانات، قدم مؤخرا اعتذارا للفنان هانى شاكر نقيب الموسيقيين وأعضاء مجلس النقابة، مردفا: “مكانش قصدي أعمل مشكلة وكل هدفي إني أوصل صوتي لهاني شاكر، مكنتش أقصد أعمل أى حاجة تزعله”.

وقال حمو بيكا، خلال مداخلة هاتفية لبرنامج “كلمة أخيرة”، على فضائية “ON”مع الإعلامية لميس الحديدي، تعليقا على فيديو يعتذر فيه لهاني شاكر: “مش عامل الفيديو ده عشان القضية والحكم، طول عمرى بحب الناس والناس بتحبني، ولو مكتوبلي اتحبس هتحبس ولو مكتوبلي براءة هاخد براءة، وهو زى أبويا وماينفعش أزعق لأبويا”.

وتابع حمو بيكا: “المحامي عمل استئناف يوم 25، ولازم أحضر، هانى شاكر بحبه وهو محترم جدا، وهو يحطنى فى مقام ابنه، ولو أنا غلطت بتأسف له واعتذر له، وهفضل أعتذر له مدى حياتي، ربنا غفور رحيم ولازم كمان يغفرلي، واتوسطت لناس كتير ومحدش رد عليا”.

واستكمل: “كتر المهاجمة عليا جابتلي حالة نفسية، ببص قدام المراية بقول هو أنا بلطجي ولا بعمل حاجة غلط خلوني بكلم نفسى، هو أنا غلط ولا الناس فاهماني غلط، الناس في الشارع بيحبوني، بيقولولي شخص طيب”.

وردا على سؤال الإعلامية لميس الحديدي حول إنشاء موقع لأخبار المهرجانات قال: “بعمل صفحة كبيرة عليها أكثر من 30 مليون بجيبها من برة، عشان ندافع عن نفسنا مش نهاجم حد”.

Share on facebook
Share on twitter
Share on telegram
Share on vk
Share on whatsapp
Share on skype
Share on email
Share on tumblr
Share on linkedin

زوارنا يتصفحون الآن