الخميس 02 / ديسمبر / 2021

“أقسم بالله محصلش”.. السقا يكشف عن مفاجأة بشأن أزمته مع مها أحمد

النجم المصري أحمد السقا

حل النجم المصري أحمد السقا، كضيف في أولى حلقات برنامج “حبر سري” المعروض على قناة (القاهرة والناس)، وكشف العديد من التفاصيل عن حياتها الشخصية وعلاقته بزملائه في الوسط الفني، كما قام بالتعليق على أزمته الأخيرة مع النجمة مها أحمد.

ورد السقا، خلال الحلقة، على أزمة خلافه السابقة مع الفنانة مها أحمد، قائلا: “أقسم بالله محصلش اني طلبت من والدتي ترد على مها أحمد، والدتي مربية مجدي كامل”.

وأضاف: “اللي ما بيني وبين مها أحمد ومجدي كامل أكبر من إنه يضيع عشان ذلة لسان من أي حد فينا”.

بداية الأزمة

وكانت الفنانة مها أحمد، قد أثارت جدلا واسعا بمنشور اعتبره البعض هجوما على أحمد السقا وأمير كرارة، إذ كتبت: “عوضي على الله دي الجملة اللي دايما بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مابيعملوش كده مع أي زميلة لهم أقربها أنا”.

وتابعت: “النجم الأواني بيني وبينه عيش وملح وزمالة، رُشحت في مسلسل بطولته وكان بيقنعني بدور ولما وافقت بعتولي دور تاني معرفوش، دور متعملوش واحدة مبتدئة، المفروض إنه عارف قيمتي الفنية، وعارف إني إضافة له، اتهرب مني وموقفش جنبي وباعني، رغم إن الكل عارف إني زي أخته”.

وأضافت مها: “أما التأني كان في بداياته يتمنى يسلم عليا ويقولي يا أستاذة.. نزلت من نفسي وقلتله مش هنشتغل مع بعض؟ ما هي الحوجة مرة! رد وقالي الدور ينادي صاحبه.. طبعا محكلكوش قد إيه ندمت نفسي، وعشت أسود أيام حياتي عياط واكتئاب. وقلت (عوضي عليك يا رب)”.

استكملت: “تمر الأيام والاثنين يعلو ويتجمعوا مع بعض في مسلسل واحد (على عينهم طبعا)، ويمثلوا وحش قوي تمثيل الكفار، وطلعوا كمان مبيقروش اللى بيمثلوه، ويتحول المسلسل والدعاية الدراما كاملة لصالحها، وهما (مخدماتية للأستاذة)”.

واختتمت: “يمهل ولا يهمل. ابدأوا من جديد يا أوفر تمثيل، ياللي مبتقروش يا كومبارس جنب النجمة.. نصيحة: بلاش تتشطروا على اللي كان بينكم وبينهم عيش وملح.. بلاش تتشطروا على أساتذتكوا. عوضنا على الله. يا رب متحوجنا لحد حتى ولو كان أقرب الناس لينا”.

Share on vk
Share on pinterest
Share on reddit
Share on linkedin
Share on telegram
Share on email
Share on whatsapp
Share on twitter
Share on facebook