كشفت الإعلامية أسماء مصطفى مقدمة برنامج “هذا الصباح” على فضائية (Extra news)، سر ابتعادها عن جمهورها والمقربين منها في الفترة الأخيرة، وأعلنت إصابتها بالسرطان، طالبة الدعاء لها بالشفاء مؤكدة أن طريق العلاج لا يزال طويلا أمامها.
وكتبت أسماء على حسابها الشخصي على موقع (الفيس بوك): “أنا بعتذر طول الفترة اللي فاتت عن الاختفاء وعدم الرد غصب عني الحقيقة انى بقالي كام شهر مش عارفة أرد أو أكتب أقول أيه لمعظم الناس وده كان علشان أمي وعيلتي لحد ما يستوعبوا القصة وبعد ما عرفت ورضيت خلاص مش فارق معايا خلاص”.
وتابعت: أنا حالي حال ناس غيري كتير بيمروا بمعركة مع المرض اللعين الاسم صعب معلش وأنا منهم بحاول وبكافح وربنا كريم صحيح المشوار لسه طويل والشفا بايدين ربنا وحده وما علينا غير إننا نأخذ بالأسباب ونرضى بقضاء الله ونسأله اللطف فيه.
واختتمت رسالتها قائلة: مش عايزة حد يزعل أنا بس محتاجة الدعاء لأني مؤمنة أنه بيغير القدر أنا قطعت مسافة كويسة في رحلة العلاج الحمد لله ولسه في خطوات تانية ربنا يسهل في انتظار تحديد ميعاد العملية علشان كده عدم ظهوري هيطول رجاء تأنى محدش يتضايق فضلا الدعاء.
