تضامنت الفنانة السورية تولين البكري مع مقدم البرامج اللبناني تمام بليق ضد مواطنه مقدم البرامج والفنان عادل كرم بعدما سخرالأخير منه في برنامجه “هيدا حكي”.
فقد نشرت تولين عبر حسابها الخاص في الفيسبوك منشورا تنتقد من خلاله ما فعله كرم وتعايره بشكل مبطن بمشاكله الشخصية، “مشكلته بخصوص تخليه عن ابنه المريض”.
وكتبت تولين قائلة: “عادل كرم: كنت شوفك كبير وكنت أحترمك رغم كلشي حكي كنت اسمعو عنك وعن حياتك الشخصية المخربطة بما أنو أصحاب الوسط الفني الواحد مكشوف عنون الحجاب.. بس بمحل يمكن كنت تضحكني منك أما هلأ عم تضحكني عليك.. معقول لهالدرجة صارت جعبتك الثقافية فارغة لتحكي فيها عن زميل إلك بنفس المجال ومن نفس البلد وبمحطة جارة!!! لو كان هالنقد بناء وعام وبيفيد ليطور كلنا كنا منحترمك.. لو كنت عم تنتقد بعض حلقات برنامج بلا تشفير كمان كنا يمكن قيدناك وقلنا هيدا حكي! أما أنك تحكي بهالحقد الكبير وتمس شخص محترم وكبير وماأذاك متل الإعلامي تمام بليق فهالشي مابيليق لافيك ولا بالمحطة اللي عم تشتغل فيها ولابيكبرك بالعكس.. بيصير للموضوع أبعاد بشعة بحقك وتفسير واحد وواضح”.
وأضافت: “حط حالك مطرح زميلك وتخيل يحكي عليك كلام بيمسك شخصيآ إن كان حقيقي أو فبركة شورح يكون موقفك!! فبدي قول بس شي واحد أنو اللي بيتو من زجاج مابيرمي بحجار وفهمك كافي”.
وختمت بالقول: “وبحب قول للكبير تمام بليق.. من يومك كبير واسم عيلتك معروف بالرقي وأد ماكتر الحكي السلبي بحقك رح يكون درج لتدعس عليه وترتفع أكتر وأكتر”.
