مبروك عطية يعلق على طلاق أبو هشيمة وياسمين صبري: “ياريت أكون هي وأخد السيارة”

مبروك عطية يعلق على طلاق أبو هشيمة وياسمين صبري:

علق الدكتور مبروك عطية، أستاذ الشريعة الإسلامية بجامعة الأزهر، على طلاق أحمد أبو هشيمة وياسمين صبري، معتبرا أن “الدنيا مقلوبة”.

وانتقد الداعية المصري من يتحدثون في الأمر، معتبرا أن الأمر مجرد غيرة من النساء وتمني أن يكن أنفسهن مكانها، كما أنه “حقد وسواد من الرجال لما يمتلكه رجل الأعمال”، حسب كلامه.

وقال عطية، في فيديو مباشر عبر صفحته الرسمية على وقع “فيسبوك”: “تزوجا والزواج شريعة ربنا، وأذيع أنهما تطلقا والطلاق شريعة ربنا.. إيه اللي يقلب الدنيا”.

وأضاف: “جابلها خاتم في الأول بـ3 مليون.. كنتوا معاه في الفاتورة؟ ما جايز بربع مليون، هو النائب المحترم لو استشارني كنت هقوله 30 ألف حلو يا أبو حميد والباقي أكل بيه الغلابة، طيب لو رد عليا وقالي أنا مطلع زكاتي، كنت قولتله تصدق قالي متصدق، أقوله إيه مش كفاية زكاة وصدقة، أقوله كمان اتبرع بكل مالك؟”.

وتابع: “جابلها عربية بـ10 مليون، لو استشارني كنت هقوله كفاية عربية بنص مليون وكلها بتأدي الغرض والباقي ابني بيه مدرسة في بلدكم قالي باني 4”.

• انفصال ياسمين صبري وأبو هشيمة ويحذفان صورهما عن حساباتهما (شاهد)

• ماذا ينتظر ياسمين صبري مع أحمد عز.. بعد طلاقها

وانتقد مبروك الأرقام التي يرددها البعض بشأن هدايا أبوهشيمة لزوجته السابقة، وقال: “لا إحنا كنا معاه وهو بيجيب العربية بـ 10 مليون، ولا معاه وهو بيجيب الخاتم.. جابه لمراته أدى لمراته حقها، نشيل من راسنا سواد نظرتنا لكل ذي مال من زمان”.

واستطرد: “غيرانة.. كان نفسك تبقي هي وتاكلي الصينية.. ياريت أكون هي وآخد أنا العربية مش آخد أبو هشيمة التاجر الناجح، لا خالص هو السواد ناحية اللي معاه قرشين.. اللي معاه قرشين إحنا عايزينه يشحت.. اهدوا”.

واختتم مبروك: “شايل طاجن ستك ليه؟ عندك سواد ليه؟ دع الملك للمالك، ولا هو هيبطل جواز ولا هي هتبطل جواز، وتبقى الدنيا جميلة”.

وكشفت مصادر مقربة من رجل الأعمال أحمد أبو هشيمة والفنانة المصرية ياسمين صبري انفصالهما في هدوء واحترام، بعد زواج دام أكثر من عامين.

Share on facebook
Share on twitter
Share on telegram
Share on vk
Share on whatsapp
Share on skype
Share on email
Share on tumblr
Share on linkedin

زوارنا يتصفحون الآن