الوطن اليوم الرياضي: تحدث أحمد الشناوي حارس مرمى نادي بيراميدز والزمالك السابق، عن أسباب رحيله عن الزمالك وانتقاله إلى بيراميدز في وقت سابق، مشيرًا إلى أنه لم يجلس مع محمود الخطيب رئيس الأهلي قبل مواجهة الزمالك.
حقيقة تفويت مباراة الأهلي
وكان مرتضى منصور رئيس نادي الزمالك أوضح في تصريحات سابقة أن أحمد الشناوي حارس مرمى الفارس الأبيض جلس مع محمود الخطيب قبل قمة الزمالك والأهلي الأخيرة التي شارك فيها الشناوي والتي خسرها الزمالك بثلاثة أهداف.
الشناوي يكشف لأول مرة سبب رحيله عن الزمالك
وقال الشناوي : «جددت بأعلى راتب في الزمالك والقصه مكنتش الفلوس حاجه كبيره عشان امشي اروح بيراميدز كنت باخد3/4 اللي باخده في بيراميدز الفرق كان 3 او 4 مليون وكان نجوم الفريق بياخدوا اقل مني».
وأشار :«عملت حوار بلبله بالزمالك لان اللعيبة عاويزة تجدد بسعر كبير زي وجه المستشار تركي قالي بعمل نادي كبير ف مصر وعاوزك قولتله ماشي».
وأضاف الشناوي خلال استضافته في برنامج «الريمونتادا» على قناة (المحور): «كان في حجز على أموال الزمالك و طلبت فلوس عشان العلاج وإداري في النادي قالي انت الراتب بتاعك عمل مشكله واصرف من فلوسك اللي اخدتها لحد الازمة ما تتحل واتحاد الكرة عملي للعملية بالاتفاق مع الزمالك وخصموا من مستحقات الزمالك».
أحمد الشناوي يكشف لأول مرة سبب رحيله عن الزمالك .. و حقيقة تفويت مباراة الأهلي
وتابع أحمد الشناوي:«حسيت ان هاخد وقت طويل في العلاج، وجابوا جولين في الزمالك وحسيت ان الوضع صعب وأنهم اتفقوا مع المستشار تركي وقولت للمستشار تركي انا معك».
وأكد الشناوي :«انا متكلمتش من يوم ما خرجت من الزمالك وعارف ان في جماهير زعلانه مني، وانا لعبت 5 سنين بالزمالك وله جميل لي علي بعد المصري واخدت بطولات مينفعش نتكلم في تفاصيل تديتي وتدين حد».
سبب رحيله عن الزمالك
وعن سبب رحيله عن الزمالك قال الشناوي :«السبب الرئيسي لرحيلي كان في حجز على أرصدة النادي وكنت عاوز اتعالج قالولي اصرف اللي معك وحسيت مع وكيل أعمالي احمد يحيى انه مفيش تمسك اوي ووكيلي قالي في الاسيوطي وهيبقى بيراميدز والراتب هيبقى كبير وهم هيخلصوا مع المستشار مرتضى».
وأوضح الشناوي : «الناس فاكره ان روحت قبل ماتش الزمالك والأهلي اللي خسرناه 3 وقعدت مع كابتن الخطيب ده محصلش، والموضوع ان جالي مكالمه من المستشار تركي وقالي عاوز اقعد معك روحت المكان وقعدت معه ومعرفش حوار محمود الخطيب وقالي هوديك السعودية نادي الاتفاق واتفقت معهم على كل حاجه على الإعارة لان كنت حابب طلع بره وقالي هيكلم المستشار مرتضى ويتفق معه وحد شافني وسرب الموضوع واحنا خسرنا الماتش ده والموضوع ارتبط بيني وبين الأهلي».
ماتش الأهلي
وأكمل أحمد الشناوي: «بعد ماتش الأهلي المستشار تركي كلمني وسألني قولتله لسه مجدد والشرط الجزائي شلته والمستشار مرتضى اعطاني ترضيه وجددت وجت سيرة الأهلي مع تركي بعد الماتش، قولتلهم اروح السعودية وبعدها ربنا يكرم الناس ضخمت الأمور ومحصلش أي كلام على الأهلي وبعدها استصابت وروحت بيراميدز».
