قامت المخرجة سارة وفيق ، بالكشف عن العديد من الكواليس الخاصة حول أزمة تصريحات الفنانة حلا شيحة عن فيلم “مش أنا”، كما قامت بالرد على تصريحات زوجها الداعية الإسلامي معز مسعود حول طرح كليب “بحبك” على اليوتيوب.
حيث قامت المخرجة سارة وفيق، بالنشر عبر حسابها على موقع (الفيس بوك)، قائلة: “أستاذ معز انا ساره وفيق مخرجة فيلم مش انا
قرأت بوست حضرتك اللي بتوضح فيه انك فاهم قصد حلا عن بعض اللقطات اللي كان المفروض نراعيها. . خلينا نتكلم بالحق بعد اذن حضرتك احنا نشيل مشاهد ليه و بأي حق بعد ما صورت و اخدت اجرها كامل ؟”.
• تامر حسني يكذب حلا شيحة ويهاجمها: “لم أعدك بشيء”
وتابعت: “واحنا مالنا انك اتجوزتها !!!! انت اتجوزتها فنانة و بتصور الفيلم دا و دي حاجة بينك و بينها احنا مالنا و كمان بتقول كنت هتاخد اجراء ..إجراء ايه اللي تاخده انت ملكش اي حق تاخد اي إجراء المفروض تشكرنا اننا مخدناش إجراء قانوني ضد مراتك اللي امتنعت عن تسجيل صوتها لدوبلاچ الفيلم وعن تصوير افيش الفيلم اللي مدفوع فيه ملايين انت متعملش حاجه غير انك تشكرنا لأننا شيلنا كل المشاهد اللي هي ماكنتش عايزاها وممكن ابعتهالك تشوفها عشان تعرف بس ازاي انا و المنتج و الفنان تامر حسني فتحنا الفيلم و عيدنا المونتاچ تأني على حساب الفنان تامر حسني مادياً عشان يرضي حلا مع انها مشاهد من وجهة نظري طبيعية و كوميدية و رومانسية راقية لأن دي طبيعة أفلام تامر ومع ذلك شال كل المشاهد دي و احترم وجهة نظرها”.
• حلا شيحة تهاجم تامر حسني بعد عرض كليب من فيلم “مش أنا”
وأضافت: “فيما يخص الكليب بقي هو حضرتك كنت فين من ٢١ يوم من ساعه ما الفيلم نزل ما هو الكليب في الفيلم ومصر كلها تقريباً شافت الفيلم و محقق اعلى إيرادات كنت فين حضرتك و هي كانت فين ؟؟؟ ما هو الفيلم كله على بعضه هينزل كمان في التلفزيونات بالكليب اللي جواه”.
واستطردت سارة وفيق: وبعدين دا كليب رومانسي و المراعاه من وجهة نظرك هي ضرر من وجهة نظر الإنتاج و دي مصاريف كبيره اوي و حلا وافقت تصور برضاها و رغم كل دا كلمناها كتير مردتش علينا ولا علي رسايلنا كان لازم بخبرتك تخليها تتواصل مع شغلها و تقفل الصفحة صح مش تخليها تقاطع شغلها و تورطها كدا دا لو انت السبب في المقاطعة دي والله اعلم ، بعدين حضرتك كنت فين و هي بتكتب البوست الصبح ليه المواعظ العظيمة الجميلة دي منصحتهاش بيها، دا لو مش انت اللي كاتب البوست اصلاً.
• ما حقيقة اعتزال حلا شيحة وخلافها مع تامر حسني؟
واختتمت كاتبة: أنا مكنتش ناويه ارد على حلا لأن تامر رد بمنتهي الادب والاحترام ووضح كل حاجه وحلفني ما اردش عشان خاطر نفسيتها بس انت استفذتني بصراحه و لو انت اللي ارغمتها تكتب بوست بالشكل الساذج دا عشان تحافظ على منظرك قدام الناس فا انت فضلت نفسك على حساب حلا و للأسف خليت الناس كلها تهاجم مراتك دا لو انت السبب برضو والعلم عند الله”.
