كشف النجم المصري هاني شاكر نقيب الموسيقيين، عن أن الفنان المصري المثير للجدل في الآونة الأخيرة محمد رمضان تعهد أمامه بالفعل بعدم خلع ملابسه على المسرح، و لكنه لم يلتزم بهذا الأمر.
وقال هاني شاكر: “محمد رمضان من حفلتين فاتوا مضى الإقرار وقال هلتزم باللبس والكلام والأغاني والحركات، لكن الواضح إنه ملتزمش بيه بعد كده”.
و أضاف” إحنا مش جهة منع في النقابة لكن فيه جهة مسؤولة عن الكلام اللي بيقوله و عن اللبس اللي بيلبسه والي هي المصنفات الفنية، ودي للدكتور خالد عبد الجليل، وهو عنده الضبطية القضائية اللي يقدر ينفذ بيها أي حاجة و القرارات دي.. بالنسبة لي كنقابة أنا بعطي تصريح بالغناء أو لاء، و لمن بالنسبة لمحمد رمضان عضو نقابة مينفعش أقوله متغنيش”.
و تابع” لبسه وكلامه مش مناسبين وعملت ده كسابقة مني لخوفي على محمد رمضان ولمصلحته، وعايز أنصحه بالأحسن والأجمل والأشيك عالمسرح بس هو ملتزمش”.
و أكد على أن مش كل حاجة بتحصل خارج مصر لازم نعملها، لأنه مش كل لبس العالم ممكن يصلح لينا نلبسه هنا وقدام الكل.
