أقدم شاب من محافظة رفح على طعن شقيقه بخمس طعنات بسكين مطبخ من داخل بيتهما، حيث أدخل الأخ بجروح متفاوتة إلى المستشفى، وذلك بسبب خلاف نشب بينهما. وقال الأخ الذي وجه الطعنات، إنه كاد أن يؤدي بحياة أخيه لأنه وجه إليه طعنات قاتلة.
وإليكم ما كتبه الأخ الذي قام بعملية الطعن:
تنوية للعامة
المقدمة ” اوشكت البارحة على القيام بجريمة قتل ”
انا المدعو رائد محمد منصور . أسكن فى منزل العائلة . منذ تسعة شهور انهيت علاقاتي بكل شخص فى العائلة جراء موقف اتخذت عليه قرار بأن ما أملك لبيتي وما يملكون لهم .وعلى هذا الحال من وقتها ولا أشعر بأي نقص فالله خير ساتر . لي أخ يسكن فى الطابق العلوي يتملك السطح من قرابة العشر سنوات لا يسمح لي بدخوله أصاب عفش بيتي العفن وكل فترة وفترة كانت تحدث مشاكل على انو السطح مش الك افتحو بدي اشوف الشمس
منشر غسيلي اسفل المنزل فى ممر بين البناية وجارتها عبارة عن مكب نفايات . اعاني من تسلطه فى الافعال فى كل مكان على السطح على الدرج على اى شئ يعتقد بأنه ولي أمري او انه فاتح بيتي ومطعمي اولادي
من ان سكنت الي الان لم اري مياه ساخنة فى المنزل
بالبلدي بفتح البارده بارده بفتح السخنه بارده لما بتقطع الميه التنتين بخلصن فنفس اللحظة ان دل بيدل على انو انا مشبوكلي خزان واحد والباقى الو . منذ تلات شهور الى اليوم وانا بعبي قلن الميه الحلوة خمس ست مرات عشان نقضي حوائج البيت من شطف غسيل يدوي جلى الى اليوم تلات شهور وكأنو ما عندي حنفيات بالبيت . بتيجي الميه بضل فاتح البربيش على الشارع لحد م تقطع الميه جكر عشان ما تنزل الميه عندي . اربع خزانات فوق البيت عندو مقفل عليهن هوه بحكي انو الو اتنين والى اتنين بس انا ما بشوف الميه بقالى تلات شهور اقسم بالله عايش على القلن . امبارح شغل ماتور الميه من الساعه عشرة ونص لحد م قطعت الميه يمكن وحده ونص كل هادى المده والميه بتشلق من التصريف عالشارع لدرجة بركة صار تحت البيت وكل جية ميه على هالحال
الساعه وحده ونص ليلا لاقيت حالى ماخد سكين التقطيع وبفتح فباب الشقه فجأه
ياجماعه انا بديش احكي مع حدا فالعيلة انا هيك مرتاح . كل واحد فتحتلو بيتي بالاخر باعني وشري الرخيص
مش مهم عندي بس ميدخلش بحاجتي ميضلوش قاعدلى جكر تلات شهور ما اشوف ميه فالبيت كل يوم طالع نازل اعبي قلن الميه بجاكر فيي وانا عن نفسي مش عارف ادا هصبر اكتر من هيك
اى حدا بقدر يحكي معو بمون عليه بهمو عائليا او انسانيا هالامر يتطوع ويتدخل بالموضوع
انا اقرفت اقسم بالله وصلت معي لحظة الصفر ياقاتل يامقتول
انا رب اسرة مستقله الى حكم ع بيتي والى قرار ما الو يفرض عليي اشي ك بيع البيت وتقسيم الورثه او قطع الميه عني او ليش سايب باب العماره مفتوح
ملوش عندي انا ازهقت بدو اجيب من الاخر انا جاهز بدو يضل مقفل علي هيك ومتدخل بشئوني بدي اجيب قلن الميه اللى بقالو تلات شهور خادمني واعبيه بنزين وتروح جهنم الدار كلها
ارجو من اى حدا بلاش يكون بهمو امري عالاقل يكون بهمو امرو يحكي معو انو رائد طفح عالاخر ومش متحمل يشوف خلقتك من عمايلك وسيب اخوك فحالو مضلش فيها لا تحترمني ولا احترمك
صار يجيني هواجس بالحرق والقتل كل يوم انا بحالى بس عمايلو مع عمايل الدنيا بتضغط فيي . نفسيتي ماكله خرا خلقه من الوضع كل اللى بعملو هوه الان مجرد انو بقدح بالقداحة عالنار بموجة ريح ان سكتت هتقيد النار عليي وعليه
اقرفتك يازلمة مضلش غير احكيلك بدي اتبرأ منك يا بتتبرأو مني
الناس بتشوفنا بتحسدنا . بننحسدش احنا احنا فبعض ماكلين زفت
بكرا بتقع الوقعه بصير الكل بدو يتشمت
وتنويه تاني عن اللى انتحر قبل اكم يوم فكركو لما انتحر كان معطي الناس اهمية شو بدهم يحكو من بعدو لا طبعا لانو لما تصل معك لهيك درجة انته بتكون مش واعي لشو بتعمل ولا عبالك اى كائن حي او ميت
يعالم بديش اصل لهيك حالة حدا يحلنا لا عم قادر لا كبير عيلة طالع بيدو محدش قادر يحلنا وانا اقرفت هالعيشه من وراه
حسبي الله ونعم الوكيل اللى بتخليني اصل لهيك حالة
حدا بعرف رجل اصلاح . لجنة اصلاح . حكومة اصلاح . امام جامع . مختار عيلة . يحكيلو وأجرو على الله بلكن يطلع بيدو يقدم اشى
ساعدني ولو بشير بديش حياتي تدمر فوق مهي متدمره
