الوطن اليوم : علق نقيب المهن الموسيقية، النجم المصري هاني شاكر، على مقطع الفيديو الذي نشره أمس عمر كمال وحمو بيكا، حيث قال فيه حمو بيكا لـ عمر كمال: «عايز عربية بنتلي هدية»، قائلًا: «فيه حالة من تقليل صورة الفن والفنانين المصريين، والنقابة تستنهض اليوم كل القطاعات الموجودة في مصر للتصدي لهذا الإسفاف، وكلنا لازم نتحمل المسئولية».
وقال هاني شاكر، في مداخلة هاتفية مع الإعلامي تامر أمين، ببرنامج آخر النهار المُذاع على فضائية النهار، مساء يوم الأربعاء: «هذا الاستخفاف وهذه السلوكيات لا تليق باسم مصر ولا بفنانين مصر.. والنقابة مش هتقدر تعمل كل حاجة لوحدها».
• عمر كمال: “لوردينا طلبت تلبس بدلة رقص في كليب إنتي معلمة وقلتلها مش عايزين مصايب”
وأضاف : «عايز الدولة كلها تقف معانا.. احنا مش ضد الفن احنا ضد اللي بيعملوه وضد اللي بيقولوه.. المزيكا والإيقاع مفيهاش عيب، لكن العيب إن أنا أقول كلام خارج مينفعش أطفال يسمعوه أو يرددوه».
وأردف نقيب المهن الموسيقية: «اللي حصل من عمر كمال ده أكبر دليل على أنك عارف أنك بتعمل جريمة هنا في مصر ورايح تصلحها هناك في السعودية لأنها أرض طاهرة، متابعا: احنا بنتعامل معاهم كأننا في حرب مقدسة».
